കട്ടപ്പന: റവന്യു ജില്ല സ്‌കൂള്‍ ജൂഡോ ചാമ്പ്യന്‍ഷിപ്പില്‍ നെടുങ്കണ്ടം ഉപജില്ല ചാമ്പ്യന്‍മാരായി. കൂടുതല്‍ പോയിന്റുകള്‍നേടി നെടുങ്കണ്ടം ഗവണ്‍മെന്റ് വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ ചാമ്പ്യന്‍പട്ടം നിലനിര്‍ത്തി. നെടുങ്കണ്ടം സെന്റ് സെബാസ്റ്റ്യന്‍സ് ഹയര്‍ സെക്കന്‍ഡറി സ്‌കൂള്‍ റണ്ണേഴ്‌സ് അപ്പ് ആയി.
ചാമ്പ്യന്‍ഷിപ്പിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് എസ്. ജ്ഞാനസുന്ദരം നിര്‍വഹിച്ചു.
ജൂഡോ അസോസിയേഷന്‍ പ്രസിഡന്റ് ഇബ്രാഹിംകുട്ടി കല്ലാര്‍ അധ്യക്ഷതവഹിച്ചു. ഗ്രാമപഞ്ചായത്ത് അംഗങ്ങളായ ശ്യാമള വിശ്വനാഥന്‍, അജീഷ് മുതുകുന്നേല്‍, ഷിഹാബുദീന്‍ യൂസഫ്, സ്‌കൂള്‍ ഗയിംസ് അസോസിയേഷന്‍ സെക്രട്ടറി സുരേഷ് ബാബു, റയ്‌സണ്‍ പി ജോസഫ്, സൈജു ചെറിയാന്‍ തുടങ്ങിയവര്‍ സംസാരിച്ചു.