കാസര്‍കോട്: അക്രമക്കേസിലെ പ്രതി നാട്ടിലേക്ക് വരുന്നതിനിടെ വിമാനത്താവളത്തില്‍ വെച്ച് അറസ്റ്റിലായി. അണങ്കൂര്‍ കൊല്ലമ്പാടിയിലെ റഫീഖാ(34)ണ് അറസ്റ്റിലായത്. 2010 ഏപ്രില്‍ 13ന് അണങ്കൂര്‍ മെഹബൂബ് റോഡില്‍ വെച്ച് അണങ്കൂര്‍ ടി.വി സ്റ്റേഷന്‍ റോഡിലെ നൗഷാദിനെ മര്‍ദ്ദിച്ച കേസില്‍ പ്രതിയാണ് റഫീഖ്. സംഭവത്തിന് ശേഷം റഫീഖ് ഒളിവില്‍ കഴിയുകയായിരുന്നു. ഈ കേസില്‍ കോടതി വാറന്റ് പുറപ്പെടുവിച്ചിരുന്നു. കഴിഞ്ഞ ദിവസം ദുബായില്‍ നിന്ന് നാട്ടിലേക്ക് വരുന്നതിനിടെ മംഗളൂരു വിമാനത്താവളത്തില്‍ വെച്ചാണ് റഫീഖിനെ അറസ്റ്റ് ചെയ്തത്.