കൂത്തുപറമ്പ്: പുരോഗമന കലാസാഹിത്യ സംഘം ജില്ലാ സമ്മേളനത്തിന് കൂത്തുപറമ്പില്‍ തുടക്കമായി. സമ്മേളനത്തോടനുബന്ധിച്ച് ഇന്നലെ വൈകുന്നേരം കൂത്തുപറമ്പ് മുന്‍സിപ്പല്‍ ടൗണ്‍ സ്‌ക്വയറില്‍ സാംസ്‌കാരിക സമ്മേളനം കെ.ഇ.എന്‍ കുഞ്ഞഹമ്മദ് ഉദ്ഘാടനം ചെയ്തു. എന്‍.കെ ശ്രീനിവാസന്‍ അധ്യക്ഷനായി. ഡോ. ഖദീജാ മുംതാസ്, എം.കെ മനോഹരന്‍, നാരായണന്‍ കാവുമ്പായി, ജിനേഷ് കുമാര്‍ എരമം, കെ.പി പ്രദീപ് കുമാര്‍, കെ ലീല പ്രസംഗിച്ചു. തുടര്‍ന്ന് ഏകപാത്ര നാടകം അരങ്ങേറി. ഇന്ന് രാവിലെ 10ന് കൂത്തുപറമ്പ് ടൗണ്‍ ഹാളില്‍ പ്രതിനിധി സമ്മേളനം സാഹിത്യ അക്കാദമി പ്രസിഡന്റ് വൈശാഖന്‍ ഉദ്ഘാടനം ചെയ്യും. പ്രൊഫ. വി.എന്‍ മുരളി, പ്രൊഫ. കെ.പി മോഹനന്‍, ഡോ. എ.കെ നമ്പ്യാര്‍ പ്രഭാഷണം നടത്തും.