കണ്ണൂര്‍: ജില്ലാ എക്‌സൈസ് കാലാകായിക മേളയ്ക്കു കണ്ണൂരില്‍ തുടക്കം. പൊലിസ് പരേഡ് ഗ്രൗണ്ടില്‍ ജില്ലാ സ്‌പോര്‍ട് കൗണ്‍സില്‍ പ്രസിഡന്റ് ഒ.കെ വിനീഷ് ഉദ്ഘാടനം ചെയ്തു. ഡെപ്യൂട്ടി എക്‌സൈസ് കമ്മിഷണര്‍ വി.വി സുരേന്ദ്രന്‍ അധ്യക്ഷനായി. ജൂനിയര്‍, സീനിയര്‍, വെറ്ററന്‍സ് വിഭാഗങ്ങളിലാണ് മത്സരം. എക്‌സൈസ് വകുപ്പിലെ ജീവനക്കാരും വിരമിച്ച ജീവനക്കാരും കുടുംബാംഗങ്ങളുമുള്‍പ്പെടെ മത്സരത്തില്‍ പങ്കെടുത്തു. സ്‌പോര്‍ട്‌സ് ഓഫിസര്‍ സി രജിത്ത് പ്രതിജ്ഞ ചൊല്ലിക്കൊടുത്തു. അസി. എക്‌സൈസ് കമ്മിഷണര്‍ എ.എന്‍ ഷാ, പി.വി ഏലിയാസ്, വി രാജേന്ദ്രന്‍, സി.കെ പവിത്രന്‍, കെ രാജേഷ്, സി രജിത് സംസാരിച്ചു. ഇന്നു താവക്കര ഗവ. യു.പി സ്‌കൂളില്‍ കലാമത്സരം ജില്ലാ പഞ്ചായത്ത് വൈസ് പ്രസിഡന്റ് പി.പി ദിവ്യ ഉദ്ഘാടനം ചെയ്യും.