മുട്ടില്‍: വയനാട് മുസ്്‌ലിം ഓര്‍ഫനേജിന്റെ സുവര്‍ണ ജൂബിലി ആഘോഷങ്ങളുടെ ഭാഗമായി തയാറാക്കിയ ലോഗോ പ്രകാശനം ചെയ്തു. ഡബ്ല്യൂ.എം.ഒ ഖത്തര്‍ ചാപ്റ്റര്‍ പ്രസിഡന്റായി ദീര്‍ഘ കാലം സേവനമനുഷ്ഠിച്ച പുത്തുക്കണ്ടി മുഹമ്മദ് മുസ്തഫ ഡബ്ല്യൂ.എം.ഒ  കമ്മിറ്റിയംഗം പയന്തോത്ത് മൂസ ഹാജിക്ക് നല്‍കിയാണ് പ്രകാശന കര്‍മം നിര്‍വഹിച്ചത്. സ്വാഗത സംഘം ചെയര്‍മാന്‍ എം.എ മുഹമ്മദ് ജമാല്‍, ജനറല്‍ കണ്‍വീനര്‍ മായന്‍ മണിമ, കെ. അഹമ്മദ് മാസ്റ്റര്‍, എന്‍.കെ മുസ്തഫ ഹാജി, അഡ്മിനിസ്‌ട്രേറ്റര്‍ അബ്ദുല്‍ റസാക്ക്, മാനേജര്‍ മുജീബ് ഫൈസി, ഒ.ഇ കാസിം, കെ. മമ്മു സംബന്ധിച്ചു.