മട്ടാഞ്ചേരി: എറണാകുളം ജില്ലാ വെയിറ്റ് ലിഫ്റ്റിങ് മത്സരത്തില്‍ മട്ടാഞ്ചേരി കൊച്ചിന്‍ ജിംനേഷ്യം ഓവറോള്‍ കിരീടം നേടി.
പുരുഷന്മാരുടെയും വനിതകളുടെയും സീനിയര്‍, ജൂനിയര്‍ മത്സരങ്ങളില്‍ കൊച്ചിന്‍ ജിംനേഷ്യം ഒന്നാം സ്ഥാനം നേടി. സീനിയര്‍ പുരുഷ വിഭാഗത്തില്‍ സാര്‍ക്ക് കൊച്ചി രണ്ടും, പെരുമ്പാവൂര്‍ ബിജൂസ് ഗോള്‍ഡണ്‍ ജിംനേഷ്യം മൂന്നും സ്ഥാനക്കാരായി.
ജൂനിയര്‍ വിഭാഗത്തില്‍ മൂവാറ്റുപുഴ ഇന്റര്‍നാഷണല്‍ ജിംനേഷ്യം രണ്ടും, സാര്‍ക്ക് കൊച്ചി മൂന്നും സ്ഥാനങ്ങള്‍ നേടി. വനിതകളുടെ സീനിയര്‍ വിഭാഗത്തില്‍ എറണാകുളം ജിംനേഷ്യം രണ്ടും, പറവൂര്‍ പവര്‍ ജിംനേഷ്യം മൂന്നും സ്ഥാനം കരസ്ഥമാക്കി. ജൂനിയര്‍ വിഭാഗത്തില്‍ എറണാകുളം ജിംനേഷ്യം രണ്ടും, മട്ടാഞ്ചേരി ഗവ. ഗേള്‍സ് സ്‌കൂള്‍ മൂന്നും സ്ഥാനവും നേടി.
മത്സരങ്ങള്‍ അസോസിയേഷന്‍ ജില്ലാ പ്രസിഡന്റ് ബി.രവികുമാര്‍ ഉദ്ഘാടനം ചെയ്തു. കൊച്ചിന്‍ ജിംനേഷ്യം സെക്രട്ടറി എം.എച്ച്.സുകുമാരന്‍ അദ്ധ്യക്ഷത വഹിച്ചു. ജില്ലാ സ്‌പോട്‌സ് കൗണ്‍സിലംഗം വി.എം.ഷംസുദ്ധീന്‍, സി.എച്ച്.അഫ്‌സല്‍ എന്നിവര്‍ സംസാരിച്ചു.