ചങ്ങനാശ്ശേരി: അതിരൂപതാ കേരള കാത്തലിക് സ്റ്റുഡന്റ്‌സ് ലീഗ് കലോത്സവത്തില്‍ ഗാലക്‌സി 2016 സെന്റ് ജോസഫ്‌സ് ഗേള്‍സ് ഹയര്‍സെക്കന്‍ഡറി സ്‌കൂള്‍ ഓവറോള്‍ വിജയം കരസ്ഥമാക്കി. രണ്ടാം സ്ഥാനം സെന്റ് ബര്‍ക്കുമാന്‍സ് എച്ച.്എസ്.എസിനും മൂന്നാം സ്ഥാനം കുറുമ്പനാടം സെന്റ് പീറ്റേഴ്‌സ് എച്ച്.എസ്.എസും കരസ്ഥമാക്കി. ഹയര്‍ സെക്കന്‍ഡറി വിഭാഗത്തില്‍ സെന്റ് പീറ്റേഴ്‌സ് കുറുമ്പനാടവും സെന്റ് ബര്‍ക്കുമാന്‍സ് സ്‌കൂളുമാണ് ഏറ്റവും കൂടുതല്‍ പോയിന്റ് നേടിയത്.
രണ്ടും മൂന്നും സ്ഥാനങ്ങള്‍ സെന്റ് ജോസഫ്‌സും സെന്റ് ജോണ്‍സ് നെടുംകുന്നവും കരസ്ഥമാക്കി. ഹൈസ്‌കൂള്‍ യു.പി വിഭാഗത്തില്‍സെന്റ് ജോസഫ്‌സ് സ്‌കൂളിനാണ് ഏറ്റവും കൂടുതല്‍ പോയിന്റ്. സെന്റ് ആന്‍സ് ചങ്ങനാശ്ശേരിയും സെന്റ് തെരേസാസ് നെടുംകുന്നവും ഹൈസ്‌കൂള്‍ വിഭാഗത്തില്‍ രണ്ടും മൂന്നും സ്ഥാനം നേടി. യു.പി വിഭാഗത്തില്‍ രണ്ടാം സ്ഥാനം സെന്റ് ആന്‍സ് സ്‌കൂളിനാണ്. യുപി വിഭാഗത്തില്‍ മൂന്നാം സ്ഥാനം എസ.്ബി ചങ്ങനാശ്ശേരിയും സെന്റ് തെരേസാസ് നെടുംകുന്നവും പങ്കിട്ടു.
ചങ്ങനാശ്ശേരിഅതിരൂപതയില്‍പെട്ട എയ്ഡഡ് അണ്‍എയ്ഡഡ് സ്‌കൂളുകളില്‍ നിന്ന് 1000ത്തോളം കലാപ്രതിഭകള്‍ വിവിധ മല്‍സരങ്ങളില്‍ പങ്കെടുത്തു. അസി.കോര്‍പറേറ്റ് മാനേജര്‍ ഫാ.ടോണി ചെത്തിപ്പുഴ കലോത്സവം ഉദ്ഘാടനം ചെയ്തു. ജനറല്‍ സെക്രട്ടറി സച്ചു സ്‌കറിയ പതാകഉയര്‍ത്തി. ഡയറക്ടര്‍ ഫാ.മാത്യു വാരുവേലില്‍, പ്രസിഡന്റ് ജയിംസ് കെ മാളിയേക്കല്‍ സംസാരിച്ചു. യു.പി, ഹൈസ്‌കൂള്‍, ഹയര്‍സെക്കന്‍ഡറി വിഭാഗങ്ങളില്‍ വിവിധ മല്‍സരങ്ങളില്‍ ഒന്നാം സ്ഥാനം ലഭിച്ച കുട്ടികള്‍ ജനുവരി 12ന് കാഞ്ഞിരപ്പള്ളി സെന്റ് ഡൊമിനിക് സ്‌കൂളില്‍ വച്ച് നടക്കുന്ന കെ.സി.എസ്.എല്‍ സംസ്ഥാന കലോത്സവത്തില്‍ പങ്കെടുക്കും.