മലപ്പുറം: തൃപ്പനച്ചി മഖാം അഞ്ചാമത് ഉറൂസ് മുബാറകിന് ഇന്നു തുടക്കമാകും. വൈകിട്ട് അഞ്ചിന് മഖാം സിയാറത്തും ഖുര്‍ആന്‍ പാരായണവും നടക്കും. സമസ്ത ജനറല്‍ സെക്രട്ടറി കെ.ആലിക്കുട്ടി മുസ്‌ലിയാര്‍ നേതൃത്വം നല്‍കും. വൈകിട്ട് ഏഴിന് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനംചെയ്യും.
അത്തിപ്പറ്റ മുഹ്‌യിദ്ദീന്‍ കുട്ടി മുസ്‌ലിയാര്‍ പ്രാര്‍ഥന നടത്തും. സയ്യിദ് ബാപ്പു തങ്ങള്‍ കുന്നുംപുറം അധ്യക്ഷനാകും.  മത പ്രഭാഷണചടങ്ങ് പാണക്കാട് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും.
സമസ്ത ഉപാധ്യക്ഷന്‍ എം.ടി അബ്ദുല്ല മുസ്‌ലിയാര്‍ അധ്യക്ഷത വഹിക്കും. അന്‍വര്‍ മുഹ്‌യിദ്ദീന്‍ ഹുദവി പ്രഭാഷണം നിര്‍വഹിക്കും. ഉറൂസ് അഞ്ചിനാണ് സമാപിക്കുക.