കോഴിക്കോട്: ഫുട്ബാള്‍ പ്ലയേഴ്‌സ് അസോസിയേഷന്‍ ആഭിമുഖ്യത്തില്‍ കിണാശ്ശേരി ഹൈസ്‌കൂള്‍ ഗ്രൗണ്ടില്‍ നടക്കുന്ന സ്റ്റൈലോ ചപ്പല്‍സ് ട്രോഫിക്ക് വേണ്ടി 11 വയസ്സിന് താഴെയുള്ള കുട്ടികള്‍ക്കുള്ള കിഡ്‌സ് ഫുട്‌ബോള്‍ ടൂര്‍ണമെന്റില്‍ ഇന്നലെ നടന്ന ഗ്രൂപ്പ് മത്സരങ്ങളില്‍ നിന്നും യൂനിവേഴ്‌സല്‍ സോക്കര്‍ അക്കാദമിയും കണ്ണൂര്‍ ഗ്ലോബല്‍ എഫ്.സിയും സെമിയിലേക്ക് യോഗ്യത നേടി.
അഞ്ച് ടീമുകള്‍ വീതമുള്ള നാല് ഗ്രൂപ്പുകളിലായി 20 ടീമുകള്‍ ലീഗടിസ്ഥാനത്തില്‍ മത്സരിച്ച ശേഷം ഗ്രൂപ്പ് ജേതാക്കള്‍ തമ്മില്‍ സെമിഫൈനലില്‍ ഏറ്റുമുട്ടും. ഇന്ന് വൈകുന്നേരം മൂന്നിന് നടക്കുന്ന ആദ്യമത്സരത്തില്‍ വി.പി സത്യന്‍ സോക്കര്‍ സ്‌കൂള്‍ യൂണിവേഴ്‌സല്‍ സോക്കര്‍ അക്കാദമിയേയും രണ്ടാമത്തെ മത്സരത്തില്‍ കെ.എഫ്.ടി.സി ബ്ലൂ ഗ്ലോബല്‍ എഫ്.സി കണ്ണൂരിനെയും നേരിടും.
വൈകീട്ട് 4.30നാണ് ഫൈനല്‍. 2005 ജനുവരി ഒന്നിന് ശേഷം ജനിച്ച കുട്ടികളാണ് ടൂര്‍ണമെന്റില്‍ പങ്കെടുക്കുന്നത്.