കുമ്പള: നിയന്ത്രണം വിട്ടു മറിഞ്ഞ ഓട്ടോറിക്ഷയില്‍ നിന്നും 240 പായ്ക്കറ്റ് കര്‍ണാടക നിര്‍മിത മദ്യം പിടികൂടി. ശനിയാഴ്ച്ച ഉച്ചയ്ക്ക് മൂന്നോടെ ആരിക്കാടി കടവത്ത് ദേശീയ പാതയിലാണ് സംഭവം. ദേശീയ പാതയില്‍ നിയന്ത്രണം വിട്ട ഓട്ടോറിക്ഷ മറിയുന്നത് കണ്ട് രക്ഷാപ്രവര്‍ത്തനത്തിനായി ആള്‍ക്കാര്‍ ഓടിക്കൂടുന്നതിനിടെ ഓട്ടോറിക്ഷ ഉപേക്ഷിച്ച് ഡ്രൈവര്‍ ഉള്‍പ്പെടെ രണ്ടു പോര്‍ ഓടി രക്ഷപ്പെട്ടു.
സംശയം തോന്നി ഓടിക്കൂടിയവര്‍ കുമ്പള പൊലിസില്‍ വിവരമറിയിച്ചു.
അഡീഷണല്‍ എസ്.ഐ ഷെയ്ക്ക് അബ്ദുല്‍ റസാഖിന്റെ നേതൃത്വത്തില്‍ എത്തിയ പൊലിസ് സംഘം ഓട്ടോറിക്ഷ പരിശോധിച്ചപ്പോഴാണ് അഞ്ച് കെയ്‌സുകളിലായി സൂക്ഷിച്ച 240 പായ്ക്കറ്റ് മദ്യം കണ്ടെത്തിയത്.