കാസര്‍കോട്: പുതിയ ബസ് സ്റ്റാന്‍ഡില്‍ റോഡരികില്‍ നിര്‍ത്തിയിട്ടിരുന്ന സ്‌കൂട്ടര്‍ മോഷ്ടിച്ചതായി പരാതി. പുതിയ ബസ്സ്റ്റാന്‍ഡിനു സമീപം സിറ്റി ബാഗിഎന്ന കടയിലെ ജീവനക്കാരന്‍ തളങ്കര മാലിക് ദീനാര്‍ ആശുപത്രിക്ക് സമീപം മുഹമ്മദ് ഷാസിന്റെ ഹോണ്ട ആവിയേറ്റര്‍ കെ.എല്‍ 14 കെ 8054 എന്ന സ്‌കൂട്ടറാണ് മോഷണം പോയത്. കഴിഞ്ഞ ദിവസം വൈകിട്ട് നാലോടെ ഇദ്ദേഹം സ്‌കൂട്ടര്‍ റോഡരികില്‍ നിര്‍ത്തിയിട്ടതായിരുന്നു. ജോലി കഴിഞ്ഞ് തിരിച്ചെത്തിയപ്പോഴാണ് സ്‌കൂട്ടര്‍ മോഷണം പോയതറിയുന്നത്. മുഹമ്മദ് ഷാസിന്റെ പരാതിയില്‍ കാസര്‍കോട് ടൗണ്‍ പോലിസ് കേസെടുത്ത് അന്വേഷണം ആരംഭിച്ചു.