കുമ്പള: ഷിറിയ പെട്രോള്‍ പമ്പിന് സമീപം ദേശീയപാതയില്‍ കാര്‍ നിയന്ത്രണം വിട്ട് മരത്തിലിടിച്ച് നാലു പേര്‍ക്ക് പരുക്കേറ്റു. ഒരാളുടെ നില ഗുരുതരം. ബന്തിയോട് അടുക്കയിലെ അബുറാഫി (27) നാണ് ഗുരുതരമായി പരുക്കേറ്റത് ഇയാളെ മംഗളൂരുവിലെ ആശുപത്രിയില്‍ പ്രവേശിപ്പിച്ചു.  
ഇന്നലെ വൈകിട്ട് അഞ്ചരയോടെയാണ് അപകടം. എരിയാലിലെ കല്യാണ വീട്ടില്‍ പങ്കെടുത്ത് ബന്തിയോട്ടെ വീട്ടിലേക്ക് പോകുന്നതിനിടെ അവുറാഫും കുടുംബവും സഞ്ചരിച്ച മാരുതി ആള്‍ട്ടോ കാര്‍ അപകടത്തില്‍ പെടുകയായിരുന്നു. കാര്‍ പൂര്‍ണമായും തകര്‍ന്നു. സംഭവമറിഞ്ഞെത്തിയ പരിസരവാസികളാണ് പരുക്കേറ്റവരെ ആശുപത്രിയില്‍ എത്തിച്ചത്.