പൂക്കോട്ടുംപാടം: കൂറ്റമ്പാറ ചെറായിയില്‍ തെരുവ് നായ്ക്കള്‍ ആടിനെ കടിച്ചുകൊന്നു. സത്യാലയത്തില്‍ അരുണിന്റെ ആടിനേയാണ് തെരുവുനായ്ക്കള്‍ കടിച്ചു കൊന്നത്. ഇതിനു മുന്‍പ് ഈ പ്രദേശത്ത് പലതവണയായി ആറ് ആടുകളെ തെരുവുനായ്ക്കള്‍ ആക്രമിച്ച് കൊന്നിരുന്നു. നായശല്യം കാരണം വിദ്യാര്‍ഥികളെ സ്‌കൂളിലേക്കും മദ്‌റസയിലേക്കും അയക്കാന്‍ രക്ഷിതാക്കള്‍ ഭയക്കുകയാണ്. പ്രദേശത്ത് കോഴി മാലിന്യം തള്ളുന്നതും തെരുവുനായ ശല്യത്തിന് കാരണമാകുന്നുണ്ട്. തെരുവുനായ ശല്യം തടയാന്‍ നടപടി എടുക്കാത്തതില്‍ നാട്ടുകാര്‍ പ്രതിഷേധിച്ചു.