മുംബൈ: സൗത്ത് മുംബൈയില്‍ നാലുനിലക്കെട്ടിടത്തില്‍ വന്‍ തീപിടിത്തം. ഡ്രീംലാന്‍ഡ് തിയേറ്ററിന് സമീപമുള്ള കെട്ടിടത്തില്‍ ഞായറാഴ്ച രാത്രി 8.15 ഓടെയാണ് അഗ്നിബാധയുണ്ടായത്.

ഒന്നാം നിലയിലെ ഷോര്‍ട്ട് സര്‍ക്യൂട്ടാണ് അപകടകാരണമെന്ന് കരുതുന്നു. പിന്നീട് മറ്റു നിലകളിലേക്കും തീ പടര്‍ന്നു. പെട്ടെന്ന് തന്നെ ആളുകളെ ഒഴിപ്പിച്ചതിനാല്‍ വന്‍ ദുരന്തം ഒഴിവായി. കെട്ടിടത്തിലുണ്ടായിരുന്ന കുറച്ച് പേര്‍ക്ക് ഗുരുതരമല്ലാത്ത പൊള്ളലേറ്റിട്ടുണ്ട്. തീ പൂര്‍ണമായും കെടുത്താനുള്ള ശ്രമം രാവിലെയും തുടരുകയാണ്.

അതേസമയം സൗത്ത് മുംബൈയിലെ പി ഡി മെല്ലോ റോഡില്‍ മറ്റൊരു കെട്ടിടത്തിലും തീപിടുത്തമുണ്ടായതായി റിപ്പോര്‍ട്ടുണ്ട്. ആര്‍ക്കും പരുക്കില്ല.