മലപ്പുറം : നാഷണല്‍ ടാലന്റ് സേര്‍ച്ച് മാതൃക പരീക്ഷക്കുള്ള മലപ്പുറം ജില്ലയില്‍ നിന്ന് ഉജ്ജ്വല മാതൃക.ആള്‍ കേരള സ്‌കൂള്‍ ടീച്ചേഴ്‌സ് യൂനിയന്‍ ( എ കെ എസ് ടി യു ), കേരള സ്‌കൂള്‍ ടീച്ചേഴ്‌സ് യൂനിയന്‍ ( കെ എസ് ടി യു ) എന്നീ അധ്യാപക സംഘടനകള്‍ ചേര്‍ന്നാണു ജില്ലയിലെ നാലു കേന്ദ്രങ്ങളില്‍ പരീക്ഷ ഒരുക്കിയത്. എന്‍ ടി എസ് ഇ, എന്‍ എം എം എസ്, യു എസ് എസ് , എല്‍ എസ് എസ് പരീക്ഷകള്‍ക്കുള്ള മാതൃകാ പരീക്ഷയിലൂടെ വിദ്യാര്‍ത്ഥികള്‍ക്കു മികച്ച അനുഭവങ്ങള്‍ നല്‍കുന്നതിന് മലപ്പുറം വിദ്യാഭ്യാസ ഉപഡയറക്ടര്‍ പി. സഫറുള്ളയുടെ നേതൃത്വത്തിലാണു സംരംഭം ഒരുക്കിയത്.
ജില്ലാതല ഉദ്ഘാടനം എടരിക്കോട് പി.കെ.എം.എം സ്‌കൂളില്‍ കോട്ടക്കല്‍ നഗരസഭ അധ്യക്ഷന്‍ കെ.കെ നാസര്‍ നിര്‍വഹിച്ചു. കെ എസ് ടി യു ജില്ലാ പ്രസിഡന്റ് എം അഹമ്മദ് അധ്യക്ഷനായി. മാതൃകാ ചോദ്യപേപ്പര്‍ മാനേജര്‍ പി. ബഷീര്‍ പരീക്ഷാ നടത്തിപ്പുകാര്‍ക്ക് കൈമാറി.
മലപ്പുറത്ത് സംസ്ഥാന കരിക്കുലം കമ്മിറ്റി അംഗം എ കെ സൈനുദ്ദീന്‍ ഉദ്ഘാടനം ചെയ്തു. എ കെ എസ് ടി യു ജില്ലാ പ്രസിഡന്റ് എം വിനോദ് അധ്യക്ഷനായി. കെ എം അബ്ദുള്ള, മജീദ് കാടേങ്ങല്‍ എന്നിവര്‍ പ്രസംഗിച്ചു.
അരീക്കോട് കേന്ദ്രത്തില്‍ അനൂപ് മാത്യു, സി പി എ കരീം, പി. കെ സെയ്തലവി, , പി മുഹമ്മദ് ശമീം, പൊന്നാനി കേന്ദ്രത്തില്‍ രമേശ് ചന്ദ്ര, എ ടി സി സുബൈര്‍, ബാബുരാജ് എന്നിവര്‍ നേതൃത്വം നല്‍കി.