കണ്ണൂര്‍: തെരഞ്ഞെടുപ്പു കമ്മിഷന്റെ ശക്തമായ നടപടികളുടെ ഗുണഫലം ജില്ലയിലെ പോളിങ്ങില്‍ പ്രതിഫലിച്ചെങ്കിലും സി. പി.എം ചിലയിടങ്ങളില്‍ കള്ളവോട്ടു ചെയ്തതായി ഡി.സി.സി പ്രസിഡന്റ് കെ സുരേന്ദ്രന്‍. പൊലിസുദ്യോഗസ്ഥരേയും കേന്ദ്രസേനയേയും ഭീഷണിപ്പെടുത്തി തെരഞ്ഞെടുപ്പു കമ്മിഷന്റെ സുരക്ഷാ ക്രമീകരണങ്ങളെ അട്ടിമറിക്കാന്‍ സി.പി.എം ശ്രമിച്ചു. പ്രകോപനങ്ങള്‍ക്ക് വഴിപ്പെടാതെ പ്രവര്‍ത്തകര്‍ ഉജ്വലമായി പ്രവര്‍ത്തിച്ചതിനാല്‍ ജില്ലയില്‍ ചരിത്രവിജയം യു.ഡി.എഫ് നേടുമെന്നും സുരേന്ദ്രന്‍ പറഞ്ഞു.