കണ്ണൂര്‍: അധ്യാപക സംഘടനകളുമായി ഉണ്ടാക്കിയ പൊതുധാരണയ്ക്കു വിരുദ്ധമായി ആറാം പ്രവൃത്തി ദിവസമായ നവംബര്‍ അഞ്ചിനു നടത്താന്‍ തീരുമാനിച്ച ക്ലസ്റ്റര്‍ പരിശീലനം ബഹിഷ്‌കരിക്കുന്നതിനു കെ.പി.എസ്.ടി.എ തീരുമാനിച്ചു. അനര്‍ഹരുടെ ക്ലാസ് പരിശോധന ഒഴിവാക്കുക, വിദ്യാഭ്യാസ മേഖലയിലെ പ്രശ്‌നങ്ങള്‍ പരിഹരിക്കുക തുടങ്ങിയ ആവശ്യങ്ങളും യോഗം ഉന്നയിച്ചു. യോഗത്തില്‍ പി ഹരിഗോവിന്ദന്‍ അധ്യക്ഷനായി. എം സലാഹുദ്ദീന്‍, എ.കെ അബ്ദുല്‍സമദ്, ടി.എസ് സലീം,  പി.ജെ ആന്റണി, കെ.സി രാജന്‍, ജോര്‍ജ് കുളത്തൂര്‍, വി.കെ അജിത്ത് കുമാര്‍, പറമ്പാട്ട് സുധാകരന്‍, ഗീത കൊമ്മേരി, കെ സരോജിനി, ഐ ഹരിദാസ്, മുനീര്‍ എരവത്ത്, ടി.കെ ശ്യാംകുമാര്‍, എം.കെ സനല്‍കുമാര്‍, ടോമി ജോസഫ് സംസാരിച്ചു.