ശ്രീകണ്്ഠപുരം: സ്വജീവന്‍ മറന്നു മൂന്നുപേരുടെ ജീവന്‍രക്ഷിച്ച ടി ജാഫറിന് നാടിന്റെ സ്‌നേഹാദരം. നമ്പ്രത്തെ സുപ്രഭാതം വിതരണക്കാരനും, മലപ്പട്ടം ഹയര്‍ സെക്കന്‍ഡറി സ്‌കൂളിലെ പ്ലസ് വണ്‍ വിദ്യാര്‍ഥിയുമായ ടി ജാഫര്‍  മൂന്നുകുരുന്നുകളെ  കഴിഞ്ഞ മാസമാണ് ആഴമേറിയ മുനമ്പ്പുഴയില്‍നിന്നും അതിസാഹസികമായി രക്ഷിച്ചത്.
അടിച്ചേരി സംഘമിത്രത്തിന്റെ  ആഭിമുഖ്യത്തിലാണ് ജാഫറിനെ ആദരിച്ചത്. മലപ്പട്ടം പഞ്ചായത്തംഗംടി.പി ജലജ ജാഫറിന് ഉപഹാരം നല്‍കി.എം ബാലകൃഷ്ണന്‍ അധ്യക്ഷനായി. ബഷീര്‍ പെരുവളത്തുപറമ്പ് ,കെ.എ ജനാര്‍ദനന്‍, കെ ബാലകൃഷ്ണന്‍, ടി.പി ബാലക്യഷ്ണന്‍, ഇ.വി അശ്രഫ് ,കെ.വി സുധാകരന്‍, വി.പി അബ്ദുല്‍സലാം, കെ.കെ കുഞ്ഞിക്കണ്ണന്‍, എ.എം മൊയ്തിന്‍ സംസാരിച്ചു.