കണ്ണൂര്‍: ഇടതുപക്ഷത്തിന് ജില്ലയില്‍ നല്ല വിജയസാധ്യതയാണ് കാണുന്നതെന്നും യു.ഡി.എഫിന്റെ ജില്ലയിലെ സിറ്റിങ് സീറ്റുകള്‍ കൂടി ഇത്തവണ എല്‍.ഡി.എഫ് പിടിച്ചെടുക്കുമെന്നും സി.പി.എം സംസ്ഥാന കമ്മറ്റിയംഗം എം.വി ജയരാജന്‍. കണ്ണൂരില്‍ വ്യാപക കള്ളവോട്ടുകള്‍ നടക്കുമെന്ന പ്രചാരണം നടത്തിയാണ് കേന്ദ്രസേനയെ കൊണ്ടുവന്നത്. കേന്ദ്രസേന നിരവധി ബൂത്തുകളില്‍ പോളിങ് ഉദ്യോഗസ്ഥരോടും വോട്ടര്‍മാരോടും അപമര്യാദയായി പെരുമാറുകയും ചെയ്തു. ഓപ്പണ്‍വോട്ടു ചെയ്യാന്‍ പോലും ചിലയിടങ്ങളില്‍ കേന്ദ്രസേന അനുവദിച്ചില്ലെന്നും എം.വി ജയരാജന്‍ പറഞ്ഞു.