പുത്തനത്താണി: കല്‍പകഞ്ചേരി പ്രസ് ഫോറം മാധ്യമ സെമിനാര്‍ സംഘടിപ്പിച്ചു. കടുങ്ങാത്ത്കുണ്ട് ആമിന ഐ.ടി.ഐ ഹാളില്‍ കല്‍പകഞ്ചേരി ഗ്രാമപഞ്ചായത്ത് പ്രസിഡന്റ് എന്‍. കുഞ്ഞാപ്പു ഉദ്ഘാടനം ചെയ്തു. പ്രസ് ഫോറം പ്രസിഡന്റ് എച്ച്. അബ്ദുല്‍ വാഹിദ് അധ്യക്ഷനായി. പി.ടി നാസര്‍ മീഡിയ- ഇന്നലെ, ഇന്ന്, നാളെ എന്ന വിഷയമവതരിപ്പിച്ച് ക്ലാസെടുത്തു. സി.പി രാധാകൃഷ്ണന്‍, തിരൂര്‍ പ്രസ് ക്ലബ് അംഗം കായക്കല്‍ അലി, എന്‍.എസ്.എസ് പ്രോഗ്രാം ഓഫീസര്‍ അമീന്‍ വളവന്നൂര്‍, കോട്ടക്കല്‍ പ്രസ് ക്ലബ് പ്രസിഡന്റ് സന്ദീപ് കെ. നായര്‍, രമേശ് ആതവനാട് (മനോരമ), ഹഖീം മാവണ്ടിയൂര്‍ (മലയാളം ചാനല്‍), റഹീം വെട്ടിക്കാടന്‍ (സുപ്രഭാതം), സുബൈര്‍ കല്ലന്‍ (ചന്ദ്രിക), ഫൈസല്‍ പറവന്നൂര്‍ (തിരൂര്‍ ലൈവ് ഓണ്‍ലൈന്‍), മാധ്യമ രംഗത്തെ വിദ്യാര്‍ഥികളായ ഹസീബ്, ബിസ്‌നി ലിദിയ സംസാരിച്ചു.