മനാമ: നാലു ദിവസം മുന്‍പ് ബഹ്‌റൈനില്‍ കാണാതായ മലയാളി യുവാവിനെ അവശ നിലയില്‍ കണ്ടെത്തി.


ഇവിടെ ഗുദൈബിയയില്‍ താമസിക്കുന്ന കൊല്ലം സ്വദേശി അലിയാര്‍ കുഞ്ഞു നിസാറുദ്ദീ(36)നെയാണ് കഴിഞ്ഞ ദിവസം ജിദാലി  ജര്‍ദാബ് പ്രവിശ്യയിലുള്ള ഒരു കടയുടെ സമീപത്തുവച്ച് അവശ നിലയില്‍ കണ്ടെത്തിയത്.

സംഭവം ബഹ്‌റൈനില്‍ തന്നെയുള്ള സഹോദരന്‍ നൗഷാദിനെ അറിയിച്ചിട്ടുണ്ട്.

കഴിഞ്ഞ ബുധനാഴ്ചയാണ് അലിയാരു കുഞ്ഞു നിസാറിനെ കാണാതായത്.  ഇക്കാര്യം സുപ്രഭാതം നേരത്തെ റിപ്പോര്‍ട്ട് ചെയ്തിരുന്നു .

അതേ സമയം ബുധനാഴ്ച ബാങ്കില്‍ നിന്നും ശമ്പളം എടുത്ത ശേഷം ഹമദ്ടൗണിലെ സുഹൃത്തിനെ കാണാന്‍ പുറപ്പെട്ട ഇദ്ദേഹത്തിന് ചിലര്‍ വാഹനത്തില്‍ ലിഫ്റ്റ് നല്‍കിയതായും തുടര്‍ന്ന് അവര്‍ കവര്‍ച്ചക്കിരയാക്കിയതായും സ്ഥിരീകരിക്കാത്ത റിപ്പോര്‍ട്ടകളുണ്ട്.