പയ്യോളി: ഞായറാഴ്ച തിക്കോടി ടൗണിലെ ഒന്‍പതു കടകളില്‍ മോഷണം. തിക്കോടി മെഡിക്കല്‍സില്‍ നിന്ന് ആയിരം രൂപയും സുല്‍ത്താന ഫാര്‍മസിയില്‍ നിന്ന് ഒരു മൊബൈല്‍ ഫോണും പണവും നഷ്ടപ്പെട്ടു. പുഴക്കൂല്‍ ട്രേഡേഴ്‌സ്, അര്‍ച്ചന റെഡിമെയ്ഡ്‌സ്, ആരാധന ഹോട്ടല്‍, കെ.പി.ജി സ്റ്റോര്‍, അനുരാഗ് ഗ്ലാസ് മാര്‍ട്ട്, ഫാക്‌സ് റെഡിമെയ്ഡ്‌സ്, സമൃത സൂപ്പര്‍ മാര്‍ക്കറ്റ് എന്നിവിടങ്ങളില്‍ മോഷ്ടാക്കള്‍ പൂട്ടുപൊട്ടിക്കുയകും നാശനഷ്ട്ങ്ങള്‍ വരുത്തുകയും ചെയ്തിട്ടുണ്ട്.
പലപ്പോഴായി തിക്കോടി ടൗണില്‍ മോഷണം നടക്കുന്നുണ്ടെങ്കിലും ഒരു കേസിലും പ്രതികളെ പിടികൂടിയിട്ടില്ലെന്ന് നാട്ടുകാര്‍ പറയുന്നു. മൂന്നുമാസം മുന്‍പ് സമൃത സൂപ്പര്‍മാര്‍ക്കറ്റില്‍ മോഷണം നടന്നപ്പോള്‍ പൊലിസ് നായയും വിരലടയാള വിദഗ്ധരും പരിശോധന നടത്തിയെങ്കിലും അന്വേഷണം എങ്ങുമെത്തിയിട്ടില്ല.