കോഴിക്കോട്: ഫുട്‌ബോള്‍ പ്ലയേഴ്‌സ് അസോസിയേഷന്‍ ആഭിമുഖ്യത്തില്‍ കിണാശ്ശേരി ഹൈസ്‌കൂള്‍ ഗ്രൗണ്ടില്‍ നടന്ന 11 വയസിനു താഴെയുള്ള കുട്ടികള്‍ക്കുള്ള സ്റ്റൈലോ ചപ്പല്‍സ് ട്രോഫി കിഡ്‌സ് ഫുട്ബാള്‍ ടൂര്‍ണമെന്റില്‍ കണ്ണൂര്‍ ഗ്ലോബല്‍ എഫ്.സി ചാംപ്യന്‍മാരായി. എതിരില്ലാത്ത രണ്ടു ഗോളുകള്‍ക്ക് യൂനിവേഴ്‌സല്‍ സോക്കര്‍ അക്കാദമിയെ പരാജയപ്പെടുത്തിയാണ് കണ്ണൂര്‍ ചാംപ്യന്‍മാരായത്. കളിയില്‍ ഇരട്ടഗോളുകള്‍ നേടിയ കണ്ണൂരിന്റെ ആബ്ദുല്‍ ആദിയെ മികച്ച കളിക്കാരനായി തിരഞ്ഞെടുത്തു. തെരട്ടല്‍ ഫുട്ബാള്‍ അക്കാദമിയുടെ ജിനു സാമിലാണ് മികച്ച ഗോള്‍കീപ്പര്‍. കെ.എഫ്.ടി.സി ബ്ലൂവിന്റെ റഹ്ഫല്‍ ആബിസാണ് ടോപ്‌സ്‌കോറര്‍. വിജയികള്‍ക്ക് സ്റ്റൈലോ ചപ്പല്‍സ് എം.ഡി ശംസുദ്ദീന്‍ ട്രോഫികള്‍ സമ്മാനിച്ചു. പ്ലെയേഴ്‌സ് അസോസിയേഷന്‍ സെക്രട്ടറി മണലൊടി ബഷീര്‍ അധ്യക്ഷനായി. കിണ്ണാശേരി ഹയര്‍ സെക്കന്‍ഡറി സ്‌കൂള്‍ പി.ടി.എ പ്രസിഡന്റ് നൗഷാദ്, ടൂര്‍ണമെന്റ് കണ്‍വീനര്‍ രാജീവ് മേനോന്‍ പ്രസംഗിച്ചു.