പാലക്കാട്: നിയമസഭ തെരഞ്ഞെടുപ്പില്‍ ജില്ലയിലെ സ്ത്രീ സൗഹൃദ ബൂത്തുകള്‍ പ്രത്യേകം ശ്രദ്ധയാകര്‍ഷിച്ചു. തെരഞ്ഞെടുപ്പ് കമ്മീഷന്റെ പ്രത്യേക നിര്‍ദ്ദേശത്തെ തുടര്‍ന്നാണ് ജില്ലിയില്‍ 20 സ്ത്രീ സൗഹൃദ ബൂത്തുകള്‍ പ്രവര്‍ത്തിച്ചത്. വോട്ടെടുപ്പില്‍ പോളിംഗ് ഓഫിസര്‍ മുതല്‍ എല്ലാ ജീവനക്കാരും വനിതകളായ 20 ബൂത്തുകളാണ് പ്രവര്‍ത്തിച്ചത്. വോട്ട് ചെയ്യാന്‍ എത്തിയവര്‍ക്ക് ചായയും ബിസ്‌കറ്റും നല്‍കി ആയിരുന്നു ആദ്യഘട്ടത്തില്‍ വോട്ടര്‍മാരെ സ്വീകരിച്ചത്.
പാലക്കാട് ഗവണ്‍മെന്റ് ചെമ്പൈ സംഗീത കോളേജിലെ 200-ാം നമ്പര്‍ ബൂത്ത്, പി.എം.ജി എച്ച്. എസ്,എസിലെ 22-ാം നമ്പര്‍ ബൂത്ത്, കൊപ്പം ലയണ്‍സ് സ്‌ക്കൂളിലെ 61-ാം നമ്പര്‍ ബൂത്തുമാണ് പാലക്കാട് നിയോജകമണ്ഡലത്തില്‍ സ്ത്രീസൗഹ്യദ ബൂത്തുകളായത്.
കൂടാതെ 11 മണ്ഡലങ്ങളില്‍ 17 ബൂത്തുകളിലും പോളിംഗ് ഓഫിസര്‍ മുതല്‍ എല്ലാ ജീവനക്കാരും സ്ത്രീകളായിരുന്നു. ഇവിടെ സ്ത്രീകള്‍ക്ക് പ്രത്യേക പരിഗണനയും നല്‍കി.