നിലമ്പൂര്‍: ഉപജില്ലാ സ്‌കൂള്‍ ശാസ്‌ത്രോത്സവത്തിന് ഒരുക്കങ്ങള്‍ പൂര്‍ത്തിയായതായി സംഘാടകര്‍ വാര്‍ത്താസമ്മേളനത്തിലറിയിച്ചു. 2,3,4 തിയതികളിലായി കരുളായി കെ.എം.എച്ച്.എസ് ഹയര്‍ സെക്കന്‍ഡറി സ്‌കൂളിലാണ് മത്സരങ്ങള്‍ നടക്കുന്നത്.
107 ഓളം വിദ്യാലയങ്ങളില്‍ നിന്നായി 2500 ലധികം വിദ്യാര്‍ഥികള്‍ 250 ഓളം ഇനങ്ങളില്‍ മത്സരിക്കും. നാളെ രാവിലെ ഒന്‍പതിന് സ്‌കൂള്‍ മാനേജര്‍ ടി.കെ മുഹമ്മദ് ഹാജി പതാകയുയര്‍ത്തും. വിദ്യാഭ്യാസ സമ്മേളനം പി.വി അബ്ദുല്‍ വഹാബ് എം.പി ഉദ്ഘാടനം ചെയ്യും. നാലിന് നടക്കുന്ന സമാപന സമ്മേളനം ബ്ലോക്ക് പഞ്ചായത്ത് പ്രസിഡന്റ് പി.പി സുഗതന്‍ ഉദ്ഘാടനം ചെയ്യും.
രജിസ്‌ട്രേഷന്‍ നാളെ നടക്കും. വാര്‍ത്താ സമ്മേളനത്തില്‍ എ.ഇ.ഒ പി.വിജയന്‍, ജെ.രാധാകൃഷ്ണന്‍, കെ.ഹരിദാസ്, വി.പി എല്‍ദോ എന്നിവര്‍ പങ്കെടുത്തു.