മഞ്ചേരി: ഉപജില്ലാ ശാസ്‌ത്രോത്സവം ഇന്നു മുതല്‍ മൂന്നുദിവസം നെല്ലികുത്ത് വെക്കേഷണല്‍ ഹയര്‍സെക്കന്‍ഡറി സ്‌കൂളില്‍ നടക്കും. ഉപജില്ലയിലെ 98സ്‌കൂളുകളില്‍ നിന്നായി 2500 വിദ്യാര്‍ഥികള്‍ വിവിധ മത്സരങ്ങളിലായി മാറ്റുരക്കും.
മേളയുടെ വിളംബരമറിയിച്ചുകൊണ്ട് ഇന്നലെ വര്‍ണാഭമായ ഘോഷയാത്ര നടന്നു.
മേളയുടെ ആദ്യ ദിനമായ ഇന്ന് ഗണിത ശാസ്ത്ര-സാമൂഹിക ശാസ്ത്ര -ഐ.ടി മേളകളും, രണ്ടാം ദിവസം ശാസ്ത്ര -സമൂഹ്യശാസ്ത്ര ഐ.ടി മേളാ മത്സരങ്ങളും മൂന്നാം ദിവസം പ്രവൃത്തിപരിചയ ഐ.ടി മേളകളും നടക്കും. രാവിലെ പത്തിന് മഞ്ചേരി മുനിസിപ്പല്‍ ചെയര്‍പേഴ്‌സണ്‍ വി.എം സുബൈദ ഉദ്ഘാടനം ചെയ്യും. മൂന്നിന് നടക്കുന്ന സമാപന സമ്മേളനം നഗരസഭാ സ്ഥിരംസമിതി ചെയര്‍മാന്‍ വി.പി കബീര്‍ ഉദ്ഘാടനം ചെയ്യും.
മേളയുടെ നടത്തിപ്പിനായുള്ള മുഴുവന്‍ ഒരുക്കങ്ങളും പൂര്‍ത്തിയായതായി സ്വാഗതസംഘം ഭാരവാഹികള്‍ അറിയിച്ചു.