കണ്ണൂര്‍: എസ്.എന്‍ കോളജില്‍ എസ്.എഫ്.ഐ പ്രവര്‍ത്തകരെ അടിച്ചുപരുക്കേല്‍പ്പിച്ച കേസില്‍ ആറ് കെഎസ്‌യു പ്രവര്‍ത്തകര്‍ കോടതിയില്‍ കീഴടങ്ങി. ഇവരുടെ അറസ്റ്റ് പിന്നീട് ടൗണ്‍ പൊലിസ്‌രേഖപ്പെടുത്തി. ഒളവിലത്തെ വണ്ണത്താന്‍വീട്ടില്‍ അക്ഷയ് (20), നാറാത്ത് ഷിനി ഭവനില്‍ എസ്.ഷിബിന്‍ (19), മുണ്ടേരിമൊട്ട ഖദീജാസില്‍ ഹതീബ് ഫര്‍ഹാന്‍ (20), പാനൂര്‍ കല്യാണികയിലെ ഉജ്വല്‍ (18), ന്യൂമാഹിയിലെ കല്ലുള്ളതില്‍ വീട്ടില്‍ സൗരവ് (19), മുണ്ടേരി പാറക്കണ്ടി വീട്ടില്‍ റോഷിന്‍ (19) എന്നിവരുടെ അറസ്റ്റാണ് ടൗണ്‍ അഡീഷണല്‍ എസ്.ഐ കെ.രാജന്‍ രേഖപ്പെടുത്തിയത്. ഈ മാസം 19ന് രാവിലെ പത്തരയോടെയാണ് കേസിനാസ്പദമായ സംഭവം.
കെ.എസ്.യു-എസ്.എഫ്.ഐ സംഘര്‍ഷത്തെ തുടര്‍ന്ന് ഇരുവിഭാഗത്തിലെയും നിരവധി പേര്‍ക്ക് പരുക്കേറ്റിരുന്നു.എസ്.എഫ്.ഐ പ്രവര്‍ത്തകരായ ശ്രീരാഗ്, മുഹമ്മദ് ഷമീം, അഭിനവ് തുടങ്ങിയവരെ മാരകായുധങ്ങള്‍ ഉപയോഗിച്ച് ആക്രമിച്ച് പരുക്കേല്‍പ്പിച്ചെന്നാണ് കെ.എസ.്‌യു പ്രവര്‍ത്തകര്‍ക്കെതിരേയുള്ള കേസ്.