ചീമേനി: പെരുമ്പട്ട റെയിഞ്ച് ജംഇയ്യത്തുല്‍ മുഅല്ലിമീന്റെ കീഴില്‍ മലയോര മേഖല സമസ്ത കോര്‍ഡിനേഷന്‍ കമ്മിറ്റിക്ക് രൂപം നല്‍കി. ഏക സിവില്‍കോഡിനെതിരെ ശരീഅത്ത് സംരക്ഷണ റാലിയും വിശദീകരണ പൊതുസമ്മേളനവും 23നു ചീമേനി ടൗണില്‍ നടത്തും. എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ മുഖ്യ പ്രഭാഷണം നടത്തും. ആമത്തല കേന്ദ്ര മദ്രസയില്‍ ചേര്‍ന്ന സ്വാഗത സംഘ രൂപീകരണ യോഗം എസ്.വൈ.എസ്. ജില്ലാ സെക്രട്ടറി മൊയ്തീന്‍ കുഞ്ഞി മൗലവി ഉദ്ഘാടനം ചെയ്തു. റെയിഞ്ച് പ്രസിഡന്റ് മുഹമ്മദ് ഹനീഫ ഫൈസി അധ്യക്ഷനായി. ഫസല്‍ തങ്ങള്‍, നൂറുദ്ദീന്‍ മൗലവി, പി.കെ.കരീം മൗലവി, യൂനുസ് ഫൈസി, ഉമര്‍ മൗലവി, എ.സി ഖാദര്‍, എന്‍. സിദ്ദീഖ്, യൂസുഫ്, ശൗക്കത്തലി, എ. ദുല്‍കിഫലി, പി.കെ അശ്‌റഫ്, സാദിഖ് മൗലവി, മുത്തലിബ് ഹാജി, സുഹൈല്‍ സംബന്ധിച്ചു. ഭാരവാഹികള്‍: മുഹമ്മദ് ഹനീഫ ഫൈസി (ചെയര്‍.) മൊയ്തീന്‍ കുഞ്ഞി മൗലവി (വര്‍. ചെയര്‍), പി.കെ.അശ്‌റഫ് (ജന. കണ്‍.) എ.സി.ഖാദര്‍ (ട്രഷ.)

.