ഷൊര്‍ണൂര്‍: കമ്പാനിയന്‍സ് ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്ബിന്റെ ആഭ്യമുഖ്യത്തില്‍ മുന്‍ രാഷ്ട്രപതി കെ.ആര്‍. നാരായണനെ അനുസ്മരിച്ചു. രാമചന്ദ്രപുലവര്‍ ഉദ്ഘാടനം ചെയ്തു. ദേശീയ യുവജന പുരസ്‌കാര ജേതാവ് ടി.എച്ച്. ഫിറോസ്ബാബു അധ്യക്ഷനായി. ഷൊര്‍ണൂര്‍ നഗരസഭ കൗണ്‍സിലര്‍ പി.എ. റെജുല, ടി.കെ. ബഷീര്‍, അന്‍വര്‍ സാദത്ത്, ലിജു, നിഷാദ് പാറക്കല്‍, ഭാസ്‌കരന്‍ കണയം, സുധീഷ്, ആഷിഖ് പ്രസംഗിച്ചു.
തോല്‍പാവക്കൂത്തിനെ ജനകീയമാക്കിയതിന് കേന്ദ്ര സംഗീത നാടക അക്കാദമി പുരസ്‌കാര ജേതാവ് കെ.കെ. രാമചന്ദ്രപുലവരെ ആദരിച്ചു. തുടര്‍ന്ന് സ്ത്രീകള്‍ക്കുള്ള സ്വയം തൊഴില്‍ പരിശീലന പഠന ക്ലാസിന് നിഷാദ് പാറക്കല്‍ നേതൃത്വം നല്‍കി. റിലീഫ് കിറ്റ് വിതരണവും ചികിത്സാ ധനസഹായ വിതരണവും നടത്തി.