കൂറ്റനാട്: വിനോദ സഞ്ചാരികളുടെ ലക്ഷ്യമിട്ട് നിര്‍മിച്ച വെള്ളിയങ്കല്ല് പൈതൃക പാര്‍ക്കിന് സമീപം മദ്യപാനികളുടെയും സാമുഹ്യ വിരുദ്ധരുടെയും വിളയാട്ടം. ഒഴിവു ദിവസങ്ങളിലാണ് സംഘം ചേര്‍ന്നു മദ്യപിക്കാനും മറ്റുമായി ഇവിടെ എത്തുന്നത്. പുഴയില്‍ ഇറങ്ങിയും പുഴയോരങ്ങളിലും സമീപത്തെ പാറക്കുട്ടങ്ങളിലും പറമ്പുകളിലുമാണ് സാമൂഹ്യ വിരുദ്ധരും മദ്യപാനികളും താവളമടിക്കുന്നത്.
രാത്രിയിലാണ് കൂടുതലായും കാണുന്നത്. ഈ ഭാഗത്ത് മദ്യം ആവശ്യക്കാര്‍ക്കു ടൂവീലറിലും മറ്റും എത്തിച്ചു കൊടുക്കുന്നതായും അക്ഷേപമുണ്ട്. ഇരട്ടി വിലക്കാണ് നല്‍കുന്നത്. ഇവിടെ സ്ഥിരമായി പൊലിസ് നിരിക്ഷണം ഏര്‍പ്പെടുത്തി പാര്‍ക്കില്‍ വരുന്നവര്‍ക്ക് സുരക്ഷ ഏര്‍പ്പെടുത്തണമെന്ന് നാട്ടുകാരുടെ ആവശ്യം.