തൊടുപുഴ: തൊടുപുഴ ബ്ലോക്ക് പഞ്ചായത്ത് കിഡ്‌നി പേഷ്യന്റ്‌സ് വെല്‍ഫെയര്‍ സൊസൈറ്റിയുടെ പുനരധിവാസ പ്രവര്‍ത്തനത്തിന്റെ ഭാഗമായി തയ്യല്‍ പരിശീലനകേന്ദ്രം ആരംഭിച്ചു.
സൊസൈറ്റി പ്രസിഡന്റ് ലീലമ്മ ജോസ് ഉദ്ഘാടനം നിര്‍വഹിച്ചു. മുനിസിപ്പല്‍ ചെയര്‍പേഴ്‌സണ്‍ സഫിയ ജബ്ബാര്‍ അധ്യക്ഷയായി. ജെസി ജോണി, ജയിംസ് ചാക്കോ, ആമിന സണ്ണി, പ്രൊഫ. ജോസഫ് അഗസ്റ്റിയന്‍, പി വി ജോസ്, ജോസഫ് മൂലശേരി, സുനി സാബു എന്നിവര്‍ സംസാരിച്ചു. വൃക്കരോഗികള്‍ക്കും അവരുടെ ആശ്രിതര്‍ക്കും പരിശീലനം നല്‍കി സഹായിക്കാനാണ് ഈ കേന്ദ്രത്തിലൂടെ ലക്ഷ്യമിടുന്നത്.