റായ്പുര്‍: നമ്മുടെ പ്രധാനമന്ത്രി നരേന്ദ്ര മോദി മറ്റൊരു കഴിവ് കൂടി പുറത്തെടുത്തിരിക്കുന്നു. വൈല്‍ഡ് ലൈഫ് ഫോട്ടോഗ്രാഫിയിലെ തന്റെ അഭിരുചി തെളിയിക്കാന്‍ ഛത്തീസ്ഗഢിലെ നന്ദന്‍വാന്‍ ജംഗിള്‍ സഫാരിയിലാണ് മോദി ഡി.എസ്.എല്‍.ആറുമായി ഇറങ്ങിയത്.

കടുവയുടെ അടുത്തുനിന്ന് ക്ലോസ് അപ്പ് ഫോട്ടോ എടുക്കുന്നതും കാമറയില്‍ നോക്കുന്നതുമായ മോദിയുടെ നിരവധി ഫോട്ടോകള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്.

മുഖ്യമന്ത്രി രമണ്‍ സിങിന്റെ ഒപ്പമാണ് മോദി സ്ഥലത്തെത്തിയത്. ഇവിടുത്തെ ടൂറിസം വികസനത്തിന്റെ ഭാഗമായാണ് സന്ദര്‍ശനം.

ഛത്തീസ്ഗഢിന്റെ ടൂറിസത്തില്‍ തനിക്ക് നല്ല പ്രതീക്ഷയുണ്ടെന്ന് മോദി പിന്നീട് ട്വീറ്റ് ചെയ്തു.