കോഴിക്കോട്: കുടുംബശ്രീ ജില്ലാമിഷനും ജിസം ഫൗണ്ടേഷനും സംയുക്തമായി സംഘടിപ്പിക്കുന്ന 'ഗ്രീന്‍ ക്ലീന്‍ കോഴിക്കോട് ' ഹരിത പുരസ്‌കാരം സമ്മാന പദ്ധതിയുടെ ഭാഗമായുള്ള 'എന്റെ തൈ' പദ്ധതിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ബാബു പറശ്ശേരിയും 'പുതുമുറ്റത്തൊരു വൃക്ഷം' പദ്ധതിയുടെ ഉദ്ഘാടനം ജില്ലാ കലക്ടര്‍ എന്‍. പ്രശാന്തും സിവില്‍സ്റ്റേഷന്‍ കോംപൗണ്ടില്‍ നിര്‍വഹിച്ചു.
ഈ വര്‍ഷം നട്ടുവളര്‍ത്തുന്ന ഒരു വൃക്ഷത്തൈയുടെ ഓരോ മാസത്തിലുമുള്ള വളര്‍ച്ച പ്രകടമാകുന്ന തരത്തിലുള്ള ഫോട്ടോ ംംം.ഴൃലലിരഹലമി ലമൃവേ.ീൃഴ എന്ന വെബ്‌സൈറ്റില്‍ അപ്‌ലോഡ് ചെയ്താല്‍ മാസം തോറുമുള്ള നറുക്കെടുപ്പിലൂടെ സമ്മാനങ്ങള്‍ നല്‍കുന്ന ഹരിത പുരസ്‌കാരം പദ്ധതിയുടെ പ്രചാരണത്തിന്റെ ഭാഗമായാണ് പുതിയ പദ്ധതി. ചടങ്ങില്‍ ജിയം ഡയറക്ടര്‍ എന്‍ജിനീയര്‍ മുഹമ്മദ് ഇഖ്ബാല്‍ പദ്ധതി വിശദീകരിച്ചു. കുടുംബശ്രീ ജില്ലാ മിഷന്‍ കോഡിനേറ്റര്‍ സൈദ് അക്ബര്‍ ബാദ്ഷാഖാന്‍ അധ്യക്ഷനായി. ജില്ലാ പ്ലാനിങ് ഓഫിസര്‍ എം.എ ഷീല, അസി. കണ്‍സര്‍വേറ്റര്‍ വി. സന്തോഷ്‌കുമാര്‍, സാബു വര്‍ഗീസ് സംസാരിച്ചു. അസി. ജില്ലാ മിഷന്‍ കോഡിനേറ്റര്‍ ബാദ്ഷാ ഖാന്‍ സ്വാഗതവും ജിസം ഡയറക്ടര്‍ ഇസ്മാഈല്‍ കോട്ടക്കല്‍ നന്ദിയും പറഞ്ഞു.