താമരശ്ശേരി: ഭര്‍ത്താവിന്റെ മരണത്തെ തുടര്‍ന്ന് അനാഥരായ ഓമശ്ശേരി മങ്ങാട് കോരഞ്ചോലമ്മല്‍ ശോഭനയുടെയും വിദ്യാര്‍ഥികളായ രണ്ട് കുട്ടികളുടെയും സംരക്ഷണത്തിനായി ജനകീയ കൂട്ടായ്മ രംഗത്ത്. ഉറവ് കലാ-സാംസ്‌കാരിക വേദിയുടെ നേതൃത്വത്തിലാണ് കൂട്ടായ്മ രൂപീകരിച്ചത്. ആദ്യ ഫണ്ട് കളരിക്കണ്ടി അബു ഹാജിയില്‍ നിന്ന് കാഞ്ചനമാല ഏറ്റുവാങ്ങി.
ചടങ്ങില്‍ കെ.പി സദാശിവന്‍ അധ്യക്ഷനായി. എ. ജയപ്രകാശ് സ്വാഗതം പറഞ്ഞു.
കേരള ഖാദി ആന്‍ഡ് വില്ലേജ് ഇന്‍ഡസ്ട്രീസ് ബോര്‍ഡ് ഡയറക്ടര്‍ എം. സുരേഷ് ബാബു 'നാട്ടൊരുമ' ഉദ്ഘാടനം ചെയ്തു. ജില്ലാ ചൈല്‍ഡ് പ്രൊട്ടക്ഷന്‍ ഓഫിസര്‍ ഷീബാ മുംതാസ്, അഡ്വ. ടെന്നിസണ്‍, അഡ്വ. ലാല്‍ കിഷോര്‍, തോമസ് ഞാവെല്ലി, സി. ജയപ്രകാശന്‍ മാസ്റ്റര്‍, യു. വിനോദ്കുമാര്‍, ഒ.കെ നാരായണന്‍ എ.കെ അബ്ദുല്ല, പി.കെ ഗണേശന്‍, ജിബി പുല്ലാട്ട് സംസാരിച്ചു. കെ.ഡി.സി ബാങ്കിന്റെ ഓമശ്ശേരി ശാഖയില്‍ അക്കൗണ്ട് ആരംഭിച്ചിട്ടുണ്ട്. നമ്പര്‍: 100551201020013.