കോഴിക്കോട്: ജില്ലാ ഹയര്‍സെക്കന്‍ഡറി വിദ്യാഭ്യാസ വകുപ്പിന്റെയും കോര്‍പറേഷന്റെയും റൈസിങ് കേരളയുടെയും സംയുക്താഭിമുഖ്യത്തില്‍ ജലവിചാരം പദ്ധതിക്കു തുടക്കമായി. കോര്‍പറേഷന്‍ പരിധിയിലെ ജലാശയങ്ങള്‍ വൃത്തിയാക്കി സംരക്ഷിക്കുക എന്ന ലക്ഷ്യത്തോടെ സ്‌കൂള്‍ കുട്ടികളെ പങ്കെടുപ്പിച്ചുകൊïുള്ള പദ്ധതിയുടെ ഉദ്ഘാടനം ഇന്നലെ സരോവരം ബയോപാര്‍ക്കില്‍ നടന്നു. മേയര്‍ തോട്ടത്തില്‍ രവീന്ദ്രന്‍ പദ്ധതി ഉദ്ഘാടനം ചെയ്തു.
കോര്‍പറേഷന്‍ ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ കെ.വി ബാബുരാജ് അധ്യക്ഷനായി. റൈസിങ് കേരള കണ്‍വീനര്‍ വി. നൗഷാദ്, എന്‍.എസ്.എസ് ക്ലസ്റ്റര്‍ കണ്‍വീനര്‍ എം.കെ ഫൈസല്‍, എസ്. ശ്രീചിത്ത്, കോര്‍പറേഷന്‍ ഹെല്‍ത്ത് ഇന്‍സ്‌പെക്ടര്‍ കെ. ശിവദാസന്‍ സംസാരിച്ചു.
ജില്ലയിലെ വിവിധ സ്‌കൂളുകളില്‍ നിന്നെത്തിയ കുട്ടികളും എന്‍.എസ്.എസ് വളïിയര്‍മാരും ചേര്‍ന്നു സരോവരം ബയോപാര്‍ക്ക് ശുചീകരിച്ചു.