തിരുവനന്തപുരം: കേരള അടിസ്ഥാന സൗകര്യ നിക്ഷേപനിധി (കിഫ്ബി) ഭേദഗതി ബില്ല് നിയമസഭ ഇന്ന് പാസാക്കും. സബ്ജക്ട് കമ്മിറ്റി റിപ്പോര്‍ട്ട് ചെയ്ത പ്രകാരമുള്ള ബില്ല് സഭ ഇന്ന് പാസാക്കും.

ബില്ലില്‍ സബ്ജക്ട് കമ്മിറ്റി ശുപാര്‍ശ ചെയ്തത് പ്രകാരമുള്ള മാറ്റങ്ങളോടെയാണ് ബില്ല് ഇന്ന് പാസാകുന്നത്. അടിസ്ഥാന സൗകര്യവികസനത്തിനായി നിക്ഷേപം കണ്ടെത്തുന്നതിന് എല്‍.ഡി.എഫ് സര്‍ക്കാര്‍ പ്രധാനമായും പ്രതീക്ഷയര്‍പ്പിക്കുന്നത് കിഫ്ബിയിലെ നിക്ഷേപമാണ്. നിക്ഷേപം സ്വീകരിക്കുന്നതിന് കിഫ്ബി നിയമപരമായി ശക്തിപ്പെടുത്തുന്നതിനുള്ള മാറ്റമാണ് സര്‍ക്കാര്‍ ബില്ലില്‍ കൊണ്ടുവന്നത്.