കൂത്താളി എ.യു.പി സ്‌കൂളില്‍ കേരളപ്പിറവിയുടെ 60ാം വാര്‍ഷികാഘോഷം 'വജ്ര കേരളം' പരിപാടിയുടെ ഭാഗമായി വിവിധ പരിപാടികള്‍ നടത്തി. പ്രത്യേകം ചേര്‍ന്ന അസംബ്ലിയില്‍ 60 മണ്‍ചിരാത് വിദ്യാര്‍ഥികള്‍ തെളിയിച്ചു.
മലയാളത്തിന്റെ വളര്‍ച്ചയ്ക്കായി വിദ്യാര്‍ഥികളുടെ കഴിവുകള്‍ വിനിയോഗിക്കുമെന്ന് പ്രതിജ്ഞയെടുത്തു. കേരള ഗാനാലാപനം കേരള പതിപ്പ് പ്രകാശനം എന്നിവയും നടന്നു. ചടങ്ങില്‍ പ്രധാനാധ്യാപകന്‍ എന്‍. നിര്‍മല്‍കുമാര്‍ അധ്യക്ഷനായി. പി. അച്ചുതന്‍, പി. ആദര്‍ശ്, കെ. ഷാജിമ പ്രസംഗിച്ചു.
കിനാലൂര്‍: മഹാത്മ കലാ കായിക വേദിയുടെ ആഭിമുഖ്യത്തില്‍ പൂവമ്പായി ഹയന്‍സെക്കന്‍ഡറി സ്‌കൂളില്‍ വിദ്യാര്‍ഥികള്‍ക്കായി കൈയെഴുത്ത് മത്സരം നടത്തി.
കെ.കെ സുരേഷ് അധ്യക്ഷനായി. പനങ്ങാട് ഗ്രാമപഞ്ചായത്ത് വൈസ് പ്രസിഡന്റ് പി. ഉസ്മാന്‍ സമ്മാനദാനം നടത്തി.
അനുശ്രീ കെ.എം, ഫാത്തിമ ഫിദ, മുഹമ്മദ് ഷാന്‍ ജേതാക്കളായി.
ഹെഡ്മിസ്ട്രസ് പി.പി രോഹിണി, മുരളീലാല്‍ മാസ്റ്റര്‍, മുരളീധരന്‍ മാസ്റ്റര്‍, ദേവാനന്ദന്‍ മാസ്റ്റര്‍, പി.വി സുഹൈര്‍ നേതൃത്വം നല്‍കി.
നടുവണ്ണൂര്‍: കാവില്‍ എ.എം.എല്‍.പി സ്‌കൂളില്‍ വിശേഷാല്‍ അസംബ്ലിയും ചുമര്‍മാസിക പ്രദര്‍ശനവും സംഘടിപ്പിച്ചു. പി. അമ്പിളി ടീച്ചര്‍ ഉദ്ഘാടനം ചെയ്തു.
പ്രധാനാധ്യാപകന്‍ എം.കെ അബ്ദുറഹ്മാന്‍ അധ്യക്ഷനായി. പ്രമീള നാഗത്തിങ്കല്‍, ഹരിപ്രിയ, അന്‍ജു, സീന പി.കെ, സി.കെ അഷ്‌റഫ്, നൂറ ഫാത്വിമ സംസാരിച്ചു. മേപ്പയ്യൂര്‍: മണ്ഡലം കോണ്‍ഗ്രസ് കമ്മിറ്റി കൊഴുക്കല്ലൂര്‍ വില്ലേജ് ഓഫിസ് മാര്‍ച്ച് നടത്തി. ഡി.സി.സി ജനറല്‍ സെക്രട്ടറി ഇ. അശോകന്‍ ഉദ്ഘാടനം ചെയ്തു. സി.പി നാരായണന്‍ അധ്യക്ഷനായി. മേപ്പയ്യൂര്‍ കുഞ്ഞികൃഷ്ണന്‍, ആര്‍.കെ രാജീവ്, യു.എന്‍ മോഹനന്‍, കെ.കെ സീതി, പൂക്കോട്ട് ബാബുരാജ്, കെ.എം ശങ്കരന്‍, വിമല കൂനിയത്ത്, സി.എം ബാബു, ബിജു കുനിയില്‍, ആന്തേരി ഗോപാലകൃഷ്ണന്‍, ഇ.കെ മുഹമ്മദ് ബഷീര്‍ സംസാരിച്ചു.

കൊയിലാïി: നടുവത്തൂര്‍ യു.പി സ്‌കൂളില്‍ നടന്ന കേരളപ്പിറവി ദിനാഘോഷം കീഴരിയൂര്‍ ഗ്രാമപഞ്ചായത്ത് പ്രസിഡന്റ് കെ.പി ഗോപാലന്‍ നായര്‍ ഉദ്ഘാടനം ചെയ്തു. വാര്‍ഡ് മെമ്പര്‍ രജിത കടവത്ത് അധ്യക്ഷയായി.
എന്‍. വിജയന്‍, പി.കെ ബിന്ദു, എന്‍.വി ജയരാമന്‍, സുനില്‍കുമാര്‍, സജീവന്‍, കെ. സുഷമ, ദിയാ ഫാത്തിമ, ദേവനന്ദ സംസാരിച്ചു.