പൂക്കോട്ടുംപാടം: പൂക്കോട്ടുംപാടം പൊലിസ് സ്റ്റേഷന്‍ പരിധിയിലുള്ള അഞ്ചു പ്രശ്‌നബാധിത ബൂത്തുകളിലും സമാധാനപരമായി വോട്ടെടുപ്പ് നടന്നു. അമരമ്പലം പഞ്ചായത്തിലെ പാട്ടക്കരിമ്പ് പുഞ്ച ഹിദായത്തുല്‍ മദ്‌റസ ,തേള്‍പ്പാറ എന്‍.എ.എം.എം.എല്‍.പി സ്‌കൂള്‍,, കവളമുക്കട്ട ഗവ. എല്‍.പി സ്‌കൂള്‍ (രണ്ടു ബൂത്തുകള്‍ ), ടി.കെ കോളനി തുളപ്പന്‍കൈ അങ്കണവാടി നെടുങ്കയം അമിനിറ്റി എന്നിവിടങ്ങളിലാണ് സുഗമമായി തെരഞ്ഞെടുപ്പ് നടന്നത്. അമരമ്പലത്തെ മാവോവാദി ഭീഷണിയുള്ള പാട്ടക്കരിമ്പ് പുഞ്ച ഹിദായത്തുല്‍ മദ്‌റസയില്‍ പാട്ടക്കരിമ്പ് ചോലനായ്ക്ക കോളനിയില്‍നിന്നുള്ള 121  വോട്ടര്‍മാര്‍ വോട്ടു രേഖപ്പെടുത്താനെത്തി.