വടകര: ചോമ്പാല എസ്.ഐ പ്രജീഷ് നന്ദനത്തിന്റെ കാര്‍ സാമൂഹ്യവിരുദ്ധര്‍ അഗ്‌നിക്കിരയാക്കി. സംഭവത്തില്‍ കാറിന്റെ രï് ടയറുകളും മുകളിലെ ഷീറ്റും പൂര്‍ണമായും കത്തിനശിച്ചു. അഴിയൂര്‍ മൂന്നാം ഗെയിറ്റിനു സമീപത്തെ ക്വാര്‍ട്ടേഴ്‌സ് വളപ്പില്‍ നിര്‍ത്തിയിട്ട കെ.എല്‍ 18 എസ് 683 റെനോ കാര്‍ തിങ്കളാഴ്ച അര്‍ധരാത്രിയോടെ കത്തിക്കുകയായിരുന്നു. ക്വാര്‍ട്ടേഴ്‌സിന്റെ മുകളിലത്തെ നിലയില്‍ താമസിക്കുന്ന എസ്.ഐയെ താഴെ താമസിക്കുന്നവരാണ് വിവരം അറിയിച്ചത്. എസ്.ഐ താഴെ എത്തുമ്പോഴേക്കും മുന്നിലെ ഇടതു ടയറും പിന്നിലെ വലതു ടയറും കത്തിയമര്‍ന്നിരുന്നു. സൈഡ് ഗ്ലാസും നശിച്ചിട്ടുï്. സംഭവമറിഞ്ഞ് ഓടിക്കൂടിയവരാണ് തീ നിയന്ത്രണവിധേയമാക്കിയത്. കാറിന് മുകളിലെ പ്ലാസ്റ്റിക് ഷീറ്റിന് തീയിട്ടതാണെന്ന് സംശയിക്കുന്നു.
ഒരു മാസം മുന്‍പാണ് പ്രജീഷ് എസ്.ഐയായി ചോമ്പാലയില്‍ ചാര്‍ജെടുത്തത്. ഇദ്ദേഹം പ്രദേശത്തെ സാമൂഹ്യവിരുദ്ധ ശക്തികള്‍ക്കെതിരേ ശക്തമായ നടപടികളുമായി മുന്നോട്ട് പോകുന്നതിനിടെയാണ് അപ്രതീക്ഷിത അക്രമം നടന്നത്. പൊലിസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. വടകര ഡിവൈ.എസ്.പി കെ. സുദര്‍ശന്‍ സ്ഥലം സന്ദര്‍ശിച്ചു.