കരുളായി: യുവകലാസാഹിതി കരുളായിയില്‍ വയലാര്‍ സ്മൃതിസദസ് സംഘടിപ്പിച്ചു. വയലാര്‍ ഗാനങ്ങള്‍ കോര്‍ത്തിണക്കി ഇ. ജയകൃഷ്ണന്‍ അവതരിപ്പിച്ച രാഗമാലിക, വയലാറിന്റെ മകന്‍ ശരത്ചന്ദ്രവര്‍മയുടെ അച്ഛനോര്‍മകള്‍ പങ്കുവെക്കല്‍, വയലാര്‍ കലഹിക്കുന്നു എന്ന വിഷയത്തില്‍ എ.പി അഹമ്മദ് നടത്തിയ അനുസ്മരണ പ്രഭാഷണം തുടങ്ങിയവയാണു വയലാറിന്റെ ഓര്‍മകളെ വീണ്ട@ുമുണര്‍ത്തിയത്.
പരിപാടി ശരത്ചന്ദ്രവര്‍മ ഉദ്ഘാടനം ചെയ്തു. കെ.മനോജ് അധ്യക്ഷനായി. ഇതിന്റെ ഭാഗമായി നടത്തിയ രചനാ മത്‌സരത്തിലെ വിജയികള്‍ക്കു പഞ്ചായത്ത് പ്രസിഡന്റ് വി.അസൈനാര്‍, വൈസ് പ്രസിഡന്റ് കെ. ഷരീഫ എന്നിവര്‍ സമ്മാനങ്ങള്‍ വിതരണം ചെയ്തു.
പ്രദേശത്തെ യുവ എഴുത്തുകാരായ പി.മുജീബ് റഹ്മാന്‍, സുരേഷ് നടുവത്ത്, കെ.സൗജത്ത്, എസ്.മുഹാജിര്‍, പി.സാബിക്കലി എന്നിവരെ ആദരിച്ചു.