കരുളായി: വില്ലേജ് റബര്‍ ഉല്‍പാദക സംഘത്തിന്റെ പുതിയ ട്രോളി പുകപ്പുര ഉദഘാടനം ചെയ്തു. കാട്ടിലപ്പാടം റബര്‍പാല്‍ സംസ്‌കരണ കേന്ദ്രത്തില്‍ നടന്ന ചടങ്ങില്‍ കോട്ടയം ജോയിന്റ് ആര്‍.പി.സി കെ.വി മോഹനന്‍ പുകപ്പുരയുടെ ഉദ്ഘാടനം നിര്‍വഹിച്ചു. കരുളായി റബര്‍ ഉല്‍പാദക സംഘം പ്രസിഡന്റ് ജെ.എ ജോണ്‍സണ്‍ അധ്യക്ഷനായി. ഫീല്‍ഡ് ഓഫീസര്‍ എസ്. അനിത, റബര്‍ പ്രൊഡക്ഷന്‍ ഡെപ്യൂട്ടി കമ്മീഷണര്‍മാരായ കെ.സി അബ്ദുല്‍ സലാം, എം.എം റംല, എന്‍. ചക്രപാണി, കെ. മുഹമ്മദ്, കെ. രാജീവന്‍, പി.ടി മാത്യു, എം. അബ്ദുല്‍ സലാം എന്നിവര്‍ സംസാരിച്ചു.