കോഡൂര്‍: മണ്ഡലം കോണ്‍ഗ്രസ് കമ്മിറ്റി മുന്‍ പ്രധാനമന്ത്രി ഇന്ദിരാഗാന്ധി അനുസ്മരണ സമ്മേളനം നടത്തി. ഡി.സി.സി വൈസ് പ്രസിഡന്റ് വീക്ഷണം മുഹമ്മദ് ഉദ്ഘാടനം ചെയ്തു. മണ്ഡലം പ്രസിഡന്റ് കെ. പ്രഭാകരന്‍ അധ്യക്ഷനായി. യൂത്ത് കോണ്‍ഗ്രസ് സംസ്ഥാന സെക്രട്ടറി അറഫാത്ത് അനുസ്മരണ പ്രഭാഷണം നടത്തി.
ബ്ലോക്ക് കമ്മിറ്റി പ്രസിഡന്റ് എം.കെ. മുഹ്‌സിന്‍, യൂത്ത് കോണ്‍ഗ്രസ് ഭാരവാഹികളായ പി.കെ നൗഫല്‍ ബാബു, കെ.വി. മനോജ്കുമാര്‍, എം.കെ അബൂബക്കര്‍, ആലിക്കുട്ടി പറവത്ത്, കെ.പി നാസര്‍ സംസാരിച്ചു.
മൊറയൂര്‍: മണ്ഡലം കോണ്‍ഗ്രസ് കമ്മിറ്റി ഇന്ദിരാഗാന്ധി രക്ത സാക്ഷിത്വദിനത്തില്‍ പ്രിയദര്‍ശിനി നഗറില്‍ തീവ്രവാദ വിരുദ്ധ സദസ് സംഘടിപ്പിച്ചു. മുന്‍ കോണ്‍ഗ്രസ് ജില്ലാ ജനറല്‍ സെക്രട്ടറി വി.ബാബുരാജ് ഉദ്ഘാടനം ചെയ്തു. മണ്ഡലം കോണ്‍ഗ്രസ് പ്രസിഡന്റ് ആനത്താന്‍ അബൂബക്കര്‍ ഹാജി അധ്യക്ഷനായി. ജില്ലാ ജനറല്‍ സെക്രട്ടറി പി.പി ഹംസ മുഖ്യപ്രഭാഷണം നടത്തി. ടി.പി യൂസുഫ്, ആനത്താന്‍ അബ്ദുസ്സലാം, സി.കെ നിസാര്‍, ആനത്താന്‍ അജ്മല്‍, കെ.കെ മുഹമ്മദ് റാഫി, മുക്കണ്ണന്‍ അബൂബക്കര്‍, ആനക്കച്ചേരി മുജീബ്, പി.കെ വിശ്വന്‍, പറേക്കുന്നന്‍ കുഞ്ഞാപ്പു, മാളിയക്കല്‍ മൊയ്തീന്‍ തുടങ്ങിയവര്‍ സംസാരിച്ചു.
വെട്ടത്തൂര്‍: മണ്ഡലം കോണ്‍ഗ്രസ് കമ്മിറ്റി ഇന്ദിരാഗാന്ധി അനുസ്മരണം നടത്തി. യൂത്ത് കോണ്‍ഗ്രസ് നേതാവ് പി.ആര്‍ രോഹില്‍നാഥ് ഉദ്ഘാടനം ചെയ്തു.
മേലാറ്റൂര്‍ ബ്ലോക്ക് പ്രസിഡന്റ് കെ.ഇ ഹംസ ഹാജി അധ്യക്ഷനായി. പി.കെ അബ്ദുല്‍ ഹമീദ് ഹാജി, കെ.ഇ അബ്ദുള്ള മാസ്റ്റര്‍, പി.വി അബ്ദുല്‍ ഹമീദ് സംസാരിച്ചു.