ബന്തിയോട്: പൂട്ടിക്കിടന്ന വീട് കുത്തിത്തുറന്ന് പണവും ആഭരണവും കവര്‍ന്നതായി പരാതി. ബന്തിയോട് കുബണൂരിലെ മൊയ്തീന്റെ വീട്ടിലാണ് കവര്‍ച്ച നടന്നത്. 11,000 രൂപയും 9,000 രൂപ വില വരുന്ന മുക്കുപണ്ടങ്ങളുമാണ് മോഷണം പോയത്. മൊയ്തീനും കുടുംബവും വീട് പൂട്ടി ശനിയാഴ്ച മൈസൂരിലേക്ക് പോയതായിരുന്നു. തിങ്കളാഴ്ച്ച രാത്രി തിരിച്ചെത്തിയപ്പോഴാണ് വീടിന്റെ മുന്‍വശത്തേയും പിറക് വശത്തേയും വാതില്‍ പൂട്ടുകള്‍ പൊളിച്ച നിലയില്‍ കണ്ടത്. കിടപ്പുമുറിയിലെ അലമാരയില്‍ സൂക്ഷിച്ച പണവും ആഭരണവുമാണ് മോഷണം പോയത്. കുമ്പള പൊലിസില്‍ പരാതി നല്‍കി.