ചെറുപുഴ: കോണ്‍ഗ്രസ് ചെറുപുഴ മണ്ഡലം കമ്മിറ്റിയുടെ നേതൃത്വത്തില്‍ പുളിങ്ങോത്ത് സായാഹ്ന ധര്‍ണ നടത്തി. റേഷന്‍ നിഷേധിക്കുന്ന കേന്ദ്ര,സംസ്ഥാന സര്‍ക്കാരുകളുടെ നയം തിരുത്തുക, ബി.പി.എല്‍ ലിസ്റ്റിലെ അപാകതകള്‍ പരിഹരിക്കുക, കാര്‍ഷിക വിളകളുടെ വില തകര്‍ച്ച തടയുക എന്നീ ആവശ്യങ്ങള്‍ ഉന്നയിച്ചായിരുന്നു ധര്‍ണ. കെ ബ്രിജേഷ് കുമാര്‍ ഉദ്ഘാടനം ചെയ്തു. തങ്കച്ചന്‍ കാവാലം അധ്യക്ഷനായി. ബേബി കളത്തില്‍, മനോജ് വടക്കേല്‍, കെ ബാലകൃഷ്ണന്‍ ചുണ്ട, രജീഷ് പാലങ്ങാടന്‍, ജോസ് മാണിവേലില്‍,കുതിരുമ്മല്‍ ദാമോദരന്‍, ജെയിസണ്‍ പൂക്കളം സംസാരിച്ചു. പഴയങ്ങാടി: ഏഴോം വില്ലേജ് ഓഫിസിന് മുന്നില്‍നടത്തിയ മണ്ഡലം കോണ്‍ഗ്രസ് ധര്‍ണ്ണ സമരം കെ.പി.സി.സി നിര്‍വ്വാഹക സമിതി അംഗം എം.പി ഉണ്ണികൃഷ്ണന്‍ ഉദ്ഘാടനം ചെയ്തു. മണ്ഡലം പ്രസിഡന്റ് പാറയില്‍ കൃഷ്ണന്‍ അദ്ധ്യക്ഷനായി.
പി.മുരളീധരന്‍, കെ.വി കുഞ്ഞിരാമന്‍, എ.കെ ജയശീലന്‍, വിജയന്‍ കൊട്ടില, ടി ബോസ്, പി.പി പവിത്രന്‍, പി അഭിലാഷ് സംസാരിച്ചു.