പട്ടാമ്പി: കര്‍മ നിരതനായ മുസ്‌ലിം ലീഗ് നേതാവ് സി.കെ അബ്ദുള്ള മാസ്റ്റര്‍ക്ക് ആയിരങ്ങളുടെ യാത്രാമൊഴി. തിങ്കളാഴ്ച വൈകീട്ട് നാലിനാണ് പട്ടമ്പിയിലെ വസതിയില്‍ അബ്ദുള്ള മാസ്റ്റര്‍ മരണപ്പെട്ടത്. മരണവിവരം അറിഞ്ഞത് മുതല്‍ ആയിരങ്ങള്‍ അന്ത്യോപചാരമര്‍പ്പിക്കാനെത്തി. അര്‍ധരാത്രിയിലും ആളുകള്‍ എത്തിക്കൊണ്ടേയിരുന്നു.
ഇന്നലെ രാവിലെ പതിനൊന്നോടെ പട്ടാമ്പി ജുമാമസ്ജിദിലേക്ക് മയ്യിത്തെടുത്തു. പട്ടാമ്പി ജുമാമസ്ജിദില്‍ നടന്ന മയ്യിത്ത് നമസ്‌കാരത്തിന് മകന്‍ സി.എ മന്‍സൂര്‍ നേതൃത്വം നല്‍കി. അതിനുമുമ്പ് വീട്ടിലും മയ്യിത്ത് നമസ്‌കാരങ്ങള്‍ നടന്നിരുന്നു. സാമൂഹ്യ-രാഷ്ട്രീയ-വിദ്യഭ്യാസ-മത രംഗത്തെ പ്രമുഖര്‍ അന്ത്യോപചാരമര്‍പ്പിക്കാനെത്തി. പാണക്കാട് സയ്യിദ് ഹൈദരലി ശിഹാബ് തങ്ങള്‍, കെ.പി.എ മജീദ്, കെ.എസ് ഹംസ, പാണക്കാട് സയ്യിദ് അബ്ബാസലി ശിഹാബ് തങ്ങള്‍, പാണക്കാട് സയ്യിദ് ബഷീറലി ശിഹാബ് തങ്ങള്‍, പാണക്കാട് സയ്യിദ് മുനവ്വറലി ശിഹാബ് തങ്ങള്‍, പാണക്കാട് സയ്യിദ് റഷീദലി ശിഹാബ് തങ്ങള്‍, പാണക്കാട് സയ്യിദ് ഹമീദലി ശിഹാബ് തങ്ങള്‍, കെ ആലിക്കുട്ടി മുസ്‌ലിയാര്‍, സി.കെ.എം സ്വാദിഖ് മുസ്‌ലിയാര്‍, ജി.എം സ്വലാഹുദ്ദീന്‍ ഫൈസി, അബ്ദുറഹിമാന്‍ ജിഫ്രി തങ്ങള്‍ വല്ലപ്പുഴ, എം.പി കുഞ്ഞിക്കോയ തങ്ങള്‍ ചെറുതുരുത്തി, പി.പി ഉണ്ണീന്‍കുട്ടി മൗലവി, സി.എ.എം.എ കരീം, സി.പി മുഹമ്മദ്, അഡ്വ. കെ.എന്‍.എ ഖാദര്‍, പി.വി. മുഹമ്മദ് അരീക്കോട്, കുളത്തൂര്‍ ടി. മുഹമ്മദ് മൗലവി, കളത്തില്‍ അബ്ദുള്ള, പി.എ തങ്ങള്‍, എം.എം ഹമീദ്, മരക്കാര്‍ മാരായമംഗലം, എം.എം. ഫാറൂഖ്, യു. ഹൈദ്രോസ്, കെ.യു.എം താജുദ്ദീന്‍, എന്‍ ഹംസ, കെ.ടി.എ ജബ്ബാര്‍, പൊന്‍പാറ കോയക്കുട്ടി, കെ.കെ.എ അസീസ്, സി.പി ബാവഹാജി, കെ. മമ്മദ് ഫൈസി, പി. മമ്മിക്കുട്ടി, എം.വീരാന്‍ഹാജി, കമ്മുക്കുട്ടി എടത്തോള്‍, കെ.എസ്.ബി.എ തങ്ങള്‍, റഷീദ് ആലായാന്‍, എം.എ സമദ്, വി.എം മുഹമ്മദലി, പി.ടി. മുഹമ്മദ്, സി.എ സാജിത്, ഗഫൂര്‍ കോല്‍ക്കളത്തില്‍, ക.കെ.എ അസീസ് കൈപ്പുറം, എം. വീരാന്‍ ഹാജി വസതിയിലെത്തി അനുശോചനം അറിയിച്ചു.