കൊച്ചി: നാസ സന്ദര്‍ശനത്തിന് വിദ്യാര്‍ഥികള്‍ക്ക് അവസരമൊരുക്കുന്ന സെവന്‍സീസ് അക്കാദമിയുടെ ഗ്രാന്‍ഡ് ഫിനാലെയിലേക്കുള്ള വിജയികളെ തെരഞ്ഞെടുത്തു.
കൊച്ചിയില്‍ നടത്തിയ അഭിരുചി പരീക്ഷയിലെ വിജയികളെയാണു പ്രഖ്യാപിച്ചത് .ബുദ്ധിമാന്‍മാരായ കുട്ടികളുടെ കണ്ടെത്തുകയും അവരുടെ വിദ്യാഭ്യാസ നിലവാരം ഉയര്‍ത്തുകയും ചെയ്യുക എന്ന ലക്ഷ്യത്തോടെ പ്രമുഖ ഹെറിറ്റേജ് ബ്രാന്റായ സെവന്‍സീസ് കൊച്ചിയില്‍ നടത്തിയ അഭിരുചി പരീക്ഷയില്‍ കൊച്ചി ഗ്രീറ്റ്‌സ് പബ്ലിക്ക് സ്‌കൂള്‍ വിദ്യാര്‍ഥി അനുരാഗ് രാജ് പുത്തേരില്‍ ഒന്നാം സ്ഥാനവും കൊച്ചി സെന്റ് മേരീസ് സ്‌കൂള്‍ വിദ്യാര്‍ഥി അമല്‍ ബൈസില്‍ രണ്ടാം സ്ഥാനത്തനവും നേടി.
ഗ്രാന്‍ ഫിനാലെയില്‍ പങ്കെടുക്കുന്നവര്‍ക്ക് ഐ പാഡും മറ്റ് സമ്മാനങ്ങളും ലഭിക്കും. കൂടാതെ രണ്ട് വിദ്യാര്‍ഥികള്‍ക്ക് സൗജന്യമായി നാസ സന്ദര്‍ശിക്കാനും അവസരം നല്‍കും.