കൊച്ചി: എറണാകുളം ഡി.ടി.പി.സിയുടെ ആഭിമുഖ്യത്തിലും സഹകരണത്തോടെയും ജില്ലയിലെ ഗ്രാമീണ, പൈതൃക, ഹരിത ടൂറിസം സാധ്യതകളെ ഉള്‍ക്കൊള്ളിച്ച് നൂതനമായ ടൂറിസം പാക്കേജുകള്‍ ആവിഷ്‌കരിച്ച് നടപ്പാക്കുന്നതിനും സന്ദര്‍ശകര്‍ക്കു മികച്ച സേവനവും സുരക്ഷയും ക്രമീകരിക്കുന്നതിനും ടൂറിസം ഹോസ്പിറ്റാലിറ്റി സേവന ദാതാക്കളില്‍ നിന്നും ഡി.ടി.പി.സി താത്പര്യപത്രം ക്ഷണിച്ചു.
തെരഞ്ഞെടുക്കപ്പെടുന്ന സേവനദാതാക്കള്‍ക്ക് ആവശ്യമായ പ്രചാരണ വിപണന സഹായങ്ങളും, സൗകര്യങ്ങളും വ്യവസ്ഥകള്‍ക്ക് വിധേയമായി നല്‍കുന്നതായിരിക്കും. ഇപ്രകാരം സംയുക്തമായി ആവിഷ്‌കരിച്ച് നടപ്പാക്കാനാഗ്രഹിക്കുന്ന ഓരോ ടൂര്‍ പാക്കേജുകള്‍ക്കും ഡി.ടി.പി.സിക്ക് നല്‍കുവാനുദ്ദേശിക്കുന്ന വരുമാന വിഹിതം പ്രത്യേകം വ്യക്തമാക്കണം.
താത്പര്യപത്ര പ്രൊപ്പോസല്‍ സമര്‍പ്പിക്കേണ്ട അവസാന തീയതി അഞ്ചിന് വൈകിട്ട് നാലുവരെ. കൂടുതല്‍ വിവരങ്ങള്‍ക്ക് ഫോണ്‍ 9847332200.