മട്ടാഞ്ചേരി: കണ്ട്‌ലയില്‍ നിന്നും കാറുകളുമായി കപ്പല്‍ കൊച്ചി തുറമുഖത്തെത്തി.ഇന്നലെ വൈകിട്ടാണ് കപ്പല്‍ എറണാകുളം വാര്‍ഫില്‍ നങ്കൂരമിട്ടത്.600 കാറുകള്‍ക്കൊപ്പം ആറ് ട്രക്കുകളുമായെത്തിയ കപ്പല്‍ ഇന്ന് ചൈന്നെ എണ്ണുറിലേയ്ക്കു തിരിക്കും.
എണ്ണൂര്‍ കൊച്ചി കണ്ട്‌ല തുറമുഖങ്ങളുമായി ബന്ധപ്പെടുത്തി കാര്‍ നീക്കം നടത്തുന്ന കപ്പല്‍ തുടര്‍ച്ചയായി കൊച്ചിയിലെത്താനുള്ള സാഹചര്യമുണ്ടായതായാണ് വിലയിരുത്തുന്നത്. തുറമുഖ നിരക്കുകളിലെ ഇളവുകളും കുടുതല്‍ കാറുകള്‍ കൊച്ചി കേന്ദ്രീകരിച്ച് ഇറക്കുമതിക്ക് കമ്പനികള്‍ തയ്യാറായതും കാര്‍ കപ്പല്‍ നീക്കത്തിന് പ്രേരണയേറിയിട്ടുണ്ട്. തൊഴില്‍ രംഗത്തെ തര്‍ക്കങ്ങള്‍ പരിഹരിക്കപ്പെടുകയും ചെയ്തു. കാര്‍ കപ്പല്‍ സര്‍വീസ് കൊച്ചി തുറമുഖത്തിന് കുടുതല്‍ വരുമാന നേട്ടവും മറ്റു കപ്പല്‍ സര്‍വീസ് കടന്നെത്തുന്നതിന് സാഹചര്യമൊരുക്കുമെന്നാണു ചുണ്ടിക്കാട്ടുന്നത്.