തൊട്ടില്‍പ്പാലം: കുറ്റ്യാടി നിട്ടൂരില്‍ വോട്ടെടുപ്പിനൊടുവില്‍ ബി.ജെ.പി-സി.പി.എം സംഘര്‍ഷം.
സംഘര്‍ഷത്തില്‍ ബി.ജെ.പി പ്രവര്‍ത്തകരായ കുറ്റംവള്ളിച്ചാലില്‍ ഉദയന്‍ (28), ശ്രീജിത്ത് ചെറിയപുതിയവീട്ടില്‍ (25), പെരുമ്പടത്തില്‍ വിഷ്ണുരാജ് (16), പെരുമ്പടത്തില്‍ അശ്വിന്‍ (17) എന്നിവര്‍ക്കു പരുക്കേറ്റു. ഇവരില്‍ ഉദയന്‍, ശ്രീജിത്ത് എന്നിവരെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു.
നിട്ടൂര്‍ അമ്പലത്തിനു സമീപം വൈകിട്ട് ആറോടെയാണു സംഭവം. ചെറിയ വാക്കേറ്റം സംഘര്‍ഷത്തില്‍ കലാശിക്കുകയായിരുന്നു.