ഹനോയ്: വിയറ്റ്‌നാമിലെ കരോക്കേ ബാറിലുണ്ടായ തീപിടുത്തത്തില്‍ 13 പേര്‍ മരിച്ചു. ഹനോയിലെ കാവ് ഗിയയിലെ ബാറില്‍ ഇന്നലെ ഉച്ചയോടെയാണ് തീപിടുത്തമുണ്ടായത്. അഗ്നിശമന സേന അഞ്ച് മണിക്കൂറെടുത്താണ് തീയണച്ചത്. തീ അണക്കുന്നതിനിടെ രണ്ട് പൊലിസ് ഉദ്യോഗസ്ഥര്‍ക്ക് പരുക്കേറ്റു.

ബാറിനുള്ളിലെ ഒരു സൈന്‍ ബോര്‍ഡില്‍ നിന്നാണ് തീപടര്‍ന്നത്. തീ കണ്ട ഉടന്‍ തന്നെ അണക്കാന്‍ ശ്രമിച്ചെങ്കിലും പരാജയപ്പെടുകയായിരുന്നു. ഇതോടെ സമീപത്തുള്ള മൂന്ന് കടകളിലേക്കും കൂടെ തീ പടര്‍ന്നു. ഒരു കാറും മോട്ടോര്‍ ബൈക്കും അഗ്നിക്കിരയായി. തീപിടുത്തത്തെ കുറിച്ച് അന്വേഷിക്കാന്‍ പ്രധാനമന്ത്രി ഗുയെന്‍ സുവാന്‍ പുക് പൊലിസിന് നിര്‍ദ്ദേശം നല്‍കി.